Сізге ұсынылатын тест сауалнама «Баланың эмоциялық зияты. Ата-аналарға арналған тәжірибелік нұсқаулық» кітабынан алынды. Кітаптың авторы психолог Джон Готтманның пікірінше, жақсы ата-ана болу үшін өз-өзін талдаудан бастау керек. Сіз қандай тәрбиелеу стилін ұстанатыңызды түсінуге көмектесетін тесттен өтіңіз. Тесттің соңында төрт тәрбиелеу стилінің сипаттамасы келтіріледі және осы стильдердің зерттеуге қатысқан балаларға қандай әсер еткені түсіндіріледі.
Дж. Готтман пікірінше, бала тәрбиесіндегі ең тиімді стиль эмоциялық тәрбиелеуші болып табылады: «Барлық ата-аналар өз балаларын жақсы көреді, бірақ, өкінішке орай, бәрі бірдей эмоциялық тәрбиелеумен айналыспайды. Оның қажеттілігін түсіну олардың сүйіспеншілігінен немесе баламен қарым-қатынаста жылы және жағымды көзқарасты қолдану шешімінен автоматты түрде туындамайды. Эмоциялық тәрбие өнерге көбірек ұқсайды, ол сананы, тыңдау қабілетін және мәселелерді шешуге бағытталған мінез–құлықты – яғни мен және менің әріптестерім сау, жақсы жұмыс істейтін отбасыларды бақылау арқылы анықтаған жүріс-тұрысты талап етеді.
Біз бұл отбасыларды эмоциялық зиялы отбасылар деп атаймыз. Менің ойымша, барлық дерлік аналар немесе әкелер эмоциялық тәрбиелеуші бола алады, бірақ олардың көбісі белгілі бір кедергілерден өтуге мәжбүр болады. Олар өсіп-өнген үйлерде болған эмоцияларға деген үйреншікті көзқарас сол кедергілердің бірі болуы мүмкін. Өз балаларын тыңдауға мүмкіндік беретін дағдылардың болмауы да кедергі келтіруі мүмкін. Бұл қиындықтар балаларға қалауынша мықты ана мен әке, тірек болуды болдырмауы мүмкін…»
Нұсқаулық.
Бұл тестте сізге сіз және сіздің балаларыңыз бастан кешетін қайғы, қорқыныш және ашу сияқты жағымсыз эмоциялар туралы сұрақтарға жауап беру керек. Сіздің пікіріңізге анағұрлым нақты сәйкес келетін жауапты белгілеңіз. Барлық сұрақтарға жауап беруге тырысыңыз (Д = Дұрыс, Қ = Қате).